Erakusketa: ikasleen lanak Okendo Kultur Etxean (2014-apirila)

OkendoZurriartea2014
Okendo Kultur Etxean
Non da?

 

2014 Api 02 – Api 29

Astelehenetik ostiralera:
10:00-14:00 / 16:00-20:30

Zurriola Ikastolako arte batxilergoan dabiltzan ikasleen lanak dira erakusketa honetan ikusgai ditugunak.

Lehen eta bigarren mailan dabiltzan ikasleak dira parte hartzaileak, 16-18 urte ingurukoak.
Bakoitzak urtean zehar eginiko obra bat aukeratu du erakusketara eramateko.
Ikasgelan lantzen diren ikasgai anitzen erakusle dira: bolumena, pintura, diseinua…

Kategoriak Bolumena, Collagea, Eskultura, Estruktura, Forma, Giza-gorputza, Gure lanak, ikonografia, Kolorea, Marrazkia, Modulua, Zeramika | Etiketak , | Erantzun

2011-12 arte ikasleak

Hemen daukazue bideotxo bat ikasturtean zehar egin ditugun argazki bizi batzuekin.

Hasieran hiru dimentsioko gure paperezko eskulturen ikuspegi ezkutuekin hasten da.
Ikasgelan ikusiko gaituzu gero pintzelekin, arkatzekin edo pinturekin.
Geroago kalean, Koldo Mitxelena eta Gugenheim bisitatzen azaltzen gara.
Ahaleginak egiten ditugu zerbait berri eta atsegin sortzeko.
Bukatu da ikasturtea. Irailera arte.

Kategoriak Erakusketetara, Gure lanak | Erantzun

Giza Gorputza

Artean presentzia handia du giza-gorputzak, noski.

Merezi du hainbat saiotan horretan aritzea. Eskulturak landu ditugu hemen, eta horretan saiatu gara ikasten zein diren gure proportzioak, baita ikuspuntu berri egokiak deskubritzen ere.

 

Kategoriak Eskultura, Giza-gorputza, Gure lanak | Erantzun

Kolore eta teknika grafikoekin jolasten

Teknika lantzeko saioan ikasle bakoitzak irudi bat aukeratu behar du, eta lau bertsio desberdin egingo ditu lau teknika desberdin erabiliz. Adibidez: arkatza, tinta, akuarela, komiki-itxura…

Kolorea lantzeko saioan ikasle bakoitzak beste irudi bat aukeratu behar du, eta orain berriro horrekin lau bertsio desberdin egingo ditu.
Bi bertsiotan pintura bustiak erabiliko dira, batean kolore hotzekin eta bestean kolore beroekin.
Era berean beste bi bertsioetan pintura lehorrak erabiliko dira, batean kolore hotzekin eta bestean kolore beroekin

Kategoriak Gure lanak, Kolorea, Marrazkia, Teknikak | Etiketak , | Erantzun

Bolumena sortzen 3

Eta hirugarren saioa ere egin dugu  bolumenak kartulinekin eraikitzen.

Kasu honetan hasieran hainbat modulu berdin egin ditugu kartulinarekin, eta bigarren urrats batean modulu “adreilu” horiek beren artean lotuz beste bolumen konplexuago batzuk sortu ditugu.

Kategoriak Bolumena, Eskultura, Gure lanak, Modulua | Erantzun

Bolumena sortzen 2

Berriro aritu izan gara paperezko kartulinekin bolumenak eraikitzen

Kategoriak Bolumena, Eskultura, Gure lanak | Erantzun

Ikonografia maila…Meninas

Ikonografia-maila lantzeko Velazquez pintore ospetsuaren Meninak kuadroa aukeratu dugu.

Ikasle bakoitzak lau bertsio desberdin egin ditu lau teknika desberdin erabiliz, beti ere jatorrizko kuadroaren sinplifikazioa eginez.

Kategoriak Gure lanak, ikonografia, Marrazkia | Etiketak , | Erantzun

Bolumena sortzen 1

Paperezko kartulina zuriak eta artazia dira tresna bakarrak hemen.
Kartulinak bi dimentsio baino ez dauka, baina … hara! bukaeran 3 dimentsioko bolumenak lortzen ditugu.

Bolumena eraikitzeko bidean prozesu sortzaile bat martxan jartzen dugu. Adibidez, hainbat mozketa lerro paralelotan eginez zinta paraleloak agertzen dira kartulinan, eta zinta horiek hara, horra edo hona desplazatuz espazioko hirugarren dimentsioa azaltzen dela irudituko zaigu.

Kategoriak Bolumena, Eskultura, Gure lanak | Erantzun

2010-11 Arte ikasleek

Bukatu da ikasturtea. Hemen daukazue bideotxo bat gelakideen argazki bizi batzuekin.

Kalean, hondartzan, erakusketak bisitatzen edo ikasgelan.
Pintzelekin, arkatzekin edo pinturekin.
Papera hanken gainean, mahai gainean edo “astoaren” gainean.

Gehienetan giro ederrean eta zerbait berri eta itxuroso sortzeko gogoz.
Lan-saioetan gustuko izan ditugun doinu batzuk ere gehitu dizkiogu “pilikulari”.

Lan-saioetan gustoko dugun doinu batzuk ere gehitu dizkiogu “pilikulari”.
Kategoriak Gure lanak | Erantzun

Arte talde baten azken lana: Beltzak eta koloreak dantzan

Arte-ikasle hauek irudia landu dute, baina ez hori bakarrik, irudiari dramatizazioa ere eman diote. Eurak ere koloretan sartuta integratu dira euren irudian, bizitza eman diote. Bukaeran beltzak azaldu dira, kolorea beltz bihurtu da eta errepresentazioa bukatu. Egunaren atzetik beti dator gaua.  Betiko zikloa da. Bihar azalduko da berriro eguna.

Kolorea, irudia, mugimendua, dantza eta antzerkia. Horiek guztiak bat egin dira lan honetan ikasturteari bukaera emateko. Ondo pasa udan.

Kategoriak Gure lanak | Erantzun